Eh kölsch Mädcher, ´ne kölsche Jung
han et Hätz stets ob d´r Zung.
Se schwaden immer nur graduss,
wat eruss muss, muss eruss.

Häs Du Jester dat Marie jesinn, ne wor dat jot dropp.
Hätt met jedem Käl jedanz, keener kom zoh kot.
Ich sat zoh ihr, Du Leckerche, ich hat et fass em Ärm,
lur mich nit suh lecker an, Du häs de Röggelcher wärm.

Eh kölsch Mädcher, ´ne kölsche Jung
han et Hätz stets ob d´r Zung.
Se schwaden immer nur graduss,
wat eruss muss, muss eruss.

Mer woren en d´r Frittebud, doh soß ne Käl am Dech
Vier Hamburger, drei Curywösch bestellte hä für sich.
Ming Frau meint: fress nit suh vell, jank lever ens nom Klo
wer eh suvell friss wie Du, friss sich de Aure zoh.

Eh kölsch Mädcher, ´ne kölsche Jung
han et Hätz stets ob d´r Zung.
Se schwaden immer nur graduss,
wat eruss muss, muss eruss.

Dä Jupp, dä hat sich schwer verknallt, leider jlich en zwei.
Wat hä nit woß, die kannten sich, wor dat eh Jeschrei.
Se han dä Jupp verkammesölt, hä kom schwer en et Schwitze,
Ich sach wä sich de Fott verbrennt, muss ob d´r Blose setze.

Eh kölsch Mädcher, ´ne kölsche Jung
han et Hätz stets ob d´r Zung.
Se schwaden immer nur graduss,
wat eruss muss, muss eruss.

Eh kölsch Mädcher, ´ne kölsche Jung
han et Hätz stets ob d´r Zung.
Se schwaden immer nur graduss,
wat eruss muss, muss eruss.

Juli 2018 – B.Kox